Երևանում անցկացվելու է ՄԱՆԿՈՒԹՅԱՆ ԱՇԽԱՐՀ EXPO 2016 10-րդ միջազգային մասնագիտացված ցուցահանդեսը
03-06-2016 19:02:17 | Հայաստան | Ի՞նչ է գրում մամուլը
2016թ. հունիսի 4-ից 6-ը Yerevan EXPO ցուցահանդեսային համալիրում` Հ.Հակոբյան 3 հասցեում (Մերգելյան ինստիտուտի տարածք), Հայաստանի արդյունաբերողների և գործարարների (գործատուների) միությունը և LOGOS EXPO Center ցուցահանդեսային ընկերությունը կազմակերպում են ՄԱՆԿՈՒԹՅԱՆ ԱՇԽԱՐՀ EXPO 2016 10-րդ հոբելյանական միջազգային մասնագիտացված ցուցահանդեսը` նվիրված Երեխաների պաշտպանության միջազգային օրվան:
Եռօրյա ցուցահանդեսի ընթացքում Yerevan EXPO ցուցահանդեսային համալիրը պարուրված կլինի տոնական մթնոլորտով, որտեղ յուրաքանչյուրը կհայտնվի մանկության զարմանահրաշ աշխարհում:
Ցուցահանդեսին մասնակցում են ավելի քան 50 ընկերություն, որոնք կներկայացնեն ապրանքներ և ծառայություններ երեխաների համար` հագուստ, կոշիկ, խաղալիքներ, գրասենյակային և դպրոցական պարագաներ, քաղցրավենիք, պաղպաղակ, զարգացնող և ուսուցանող խաղեր, կրթօջախներ, ուսումնական ձեռնարկներ և գրքեր, բժշկություն երեխաների համար, ատրակցիոններ և այլն:
Ցուցահանդեսին մասնակցում են նաև մանկատներ, որտեղ երեխաները ներկայացնում են իրենց ձեռքի աշխատանքները:
Ցուցահանդեսի անցկացման օրերը հունիսի 4-6-ը, 2016թ.
Ցուցահանդեսի անցկացման ժամերը` 10:00-18:00
Ցուցահանդեսի բացման պաշտոնական արարողությունը կկայանա հունիսի 4-ին ժամը 12:00-ին:
Ցուցահանդեսի փակման պաշտոնական արարողությունը կկայանա հունիսի 6-ին Royal Tulip Grand Hotel Yerevan հյուրանոցում:
Ցուցահանդեսի գլխավոր ինֆորմացիոն հովանավոր` Beeline Հայաստան:
Կազմակերպչի մասին`
LOGOS EXPO Center - ը առաջին մասնավոր ցուցահանդեսային ընկերությունն է Հայաստանում, որը գործում է 1999թ.-ից և առաջատար է համարվում արդյունաբերական, տեղական և միջազգային ցուցահանդեսների և կոնգրեսների կազմակերպման գործում։
Օգտագործելով համաշխարհային ցուցահանդեսային բիզնեսի փորձն ու նվաճումները LOGOS EXPO Center ցուցահանդեսային ընկերությունը ամեն տարի անցկացնում է մինչև 15 մասնագիտացված ցուցահանդեսներ: Այսպիսով 16 տարիների գործունեության ընթացքում ընկերության կողմից կազմակերպված տեղական և օտարեկրյա ցուցահանդեսների թիվը գերազանցել է 200-ը :
ՀԱՅԵՐԵՆ
Русский
English
Դաս. հայերեն
French
