Ռեջեփ Էրդողանը հիասթափվել է Բարաք Օբամայից և Վլադիմիր Պուտինից
13-06-2016 18:13:11 | Թուրքիա | Միջազգային
Թուրքիայի նախագահ Ռեջեփ Թաիբ Էրդողանը հայտարարել է, որ հիասթափվել է ԱՄՆ-ի և Ռուսաստանի առաջնորդների` Բարաք Օբամայի և Վլադիմիր Պուտինի հետ փոխահարբերություններից: gazeta.ru-ի փոխանցմամբ` Էրդողանը նշել է, որ իրենք լիահույս են եղել, երբ Օբաման ընտրվելուց հետո առաջին նախագահական այցը կատարել է Թուրքիա:
Նրա խոսքերով` երկու երկրները հույս են ունեցել հասնել լիակատար գործընկերության. «Ցավոք սրտի մեր սպասումները չարդարացան»,- նշել է Էրդողանը:
Վերջինս նաև նշել է, որ երկու երկրների միջև տնտեսական համագործակցությունը լավանալու փոխարեն վատացել է:
Էրդողանն ավելացրել է, որ ներկա պահին երկու երկրների միջև հարաբերությունների վատացման պատճառներից մեկն ամերիկացիների կողմից սիրիացի քրդերին աջակցելն է, որոնց թուրքերը համարում են ահաբեկիչներ:
Թուրքիայի նախագահը Ոչ պակաս լարված է անվանել Ռուսաստանի և նրա նախագահի հետ հարաբերությունները:
«Պուտինի հետ մեր բարեկամությունը հանգեցրեց երկու երկրների միջև բարձր մակարդակի հարաբերությունների հաստատման»,- ասել է նա:
ՀԱՅԵՐԵՆ
Русский
English
Դաս. հայերեն
French
