Սլովակիան առաջին անգամ գլխավորել է Եվրոպայի խորհուրդը
01-07-2016 11:34:08 | Սլովակիա | Միջազգային
Հուլիսի 1-ից Եվրոպական միության խորհրդի նախագահությունն ընդունված վեցամսյա ռոտացիայի սկզբունքը տեղափոխվել է Սլովակիա: korrespondent.net-ի փոխանցմամբ` ԵՄ-ին 2004 թվականին միացած Սլովակիան առաջին անգամ է իրականացնելու այդ լիազորությունները:
Սլովակիայի վարչապետ Ռոբերտ Ֆիցոն հայտարարել է, որ պնդելու է փոխել համաեվրոպական քաղաքականության վեկտորը շատ հարցերի կապակցությամբ, որոնք ներկայումս նրա կարծիքով այդքան էլ արդյունավետ լուծում չունեն: Առաջին հերթին դա վերաբերում է միգրանտների խնդրին:
«Եվրոպայի ապագայի մասին առանցքային որոշումները չեն կարող հիմնվել միության մեկ կամ միչ քանի անդամների կամ միության հիմնադիր երկրների որոշումների վրա»,- կարծում է Ֆիցոն:
Նախորդ տարի Սլովակիայի ղեկավարությունը հրաժարվել է մասնակցել համաձայն քվոտաների` Եվրամիության յուրաքանչյուր երկրում փախստականների տեղավորման ծրագրին:
ՀԱՅԵՐԵՆ
Русский
English
Դաս. հայերեն
French
