Boeing-ը սկսել է նոր միջին հեռահարության ինքնաթիռի մշակումը
01-07-2016 12:28:23 | ԱՄՆ | Գիտություն եւ տեխնոլոգիաներ
Ամերիկյան Boeing Co. ինքնաթիռաշինական ընկերությունը պատրաստվում է սկսել աշխատանքները միջին հեռահարության ինքնաթիռի նոր մոդելի մշակման վրա, որի նախատեսված է լինելու 270 ուղևորների և 2,5-5 հազար ծովային մղոն հեռավորության համար: Interfax.ru-ի փոխանցմամբ` ընկերության փոխնախագահ Մայք Դելեյնին ասել է, որ նոր ինքնաթիռը պատրաստ կլինի շատ ավելի շուտ, քան մարդիկ պատկերացնում են:
Նրա խոսքերով` իրենք ունեն ամեն ինչ նոր ինքնաթիռ ստեղծելու համար:
Փորձագետների գնահատմամբ` նոր ինքնաթիռի մոդելը շուկայում կհայտնվի ոչ շուտ քան հաջորդ տասնամյակի կեսերին:
Տեղեկացվում է, որ մասնագետները այժմ քննարկում են 737 Max օդանավն ավելի հզոր շարժիչներով և ընդլայնված կմախքով հագեցնելու հնարավորությունը: Աղբյուրների փոխանցմամբ` նմանատիպ ինքնաթիռը, ստանալով 737 Max 10x ծածկագրային անվանումը, պահանջում է նվազ ծախսեր և կարող է շուկայում հայտնվել 2021 թվականին:
Ընկերությունը նոր ինքնաթիռների պահանջարկը գնահատում է 3-5 հազար, ընդ որում ներկայիս ընթացիկ տարբերակների պահանջարկը կարող է նվազել մինչև 2 հազար: Նոր ինքնաթիռի մշակման համար ծախսերը կարող են կազմել 10-15 մլրդ դոլար: