Օգոստոսի 8-ին բազմաթիվ փոքրիկների հետ միասին իր մեկամյակը տոնեց փոքրիկ կենդանիներին սիրելու փոքրիկ այգին՝ «Մինի Զու»-ն, որը գործում է Երեւան Մոլ առեւտրի կենտրոնում:
Տոնական միջոցառման ընթացքում բոլոր հյուրերը հնարավորություն ունեցան շոյել եւ շփվել կրիայի, ճագարի, սկյուռիկի, աֆրիկական ոզնու, ծովախոզուկի, գույնզգույն թութակների և այլ կենդանիների հետ:
«Մինի Զու»-ի մասնագետները հետաքրքիր մանրամասներ պատմեցին կենդանիների ապրելակերպի և սովորությունների մասին: Երեխաների համար անցկացվեցին ուրախ մրցույթներ: Տոնական հյուրասիրությունը նույնպես մտածված էր հումորով՝ հյուրերին առաջարկվեց համտեսել նրանց սիրած կենդանիների տեսքով պատրաստված թխվածքաբլիթներ:
«Մինի Զու»-ի հիմնադիր Լիլիթ Սարգսյանը տեղեկացրեց, որ իրենց նպատակն է սերտացնել երեխաների շփումը կենդանիների հետ, որի շնորհիվ երեխաները կդադարեն վախենալ կենդանիներից:
Հիմնադիր Մարյամ Գրիգորյանն էլ նշեց ,որ այստեղ երեխաները համապատասխան մասնագետների միջոցով ոչ միայն շփվում են իրենց սիրելի կենդանիների հետ, այլեւ ծանոթանում նրանց ապրելակերպին:
Նրանք տեղեկացրեցին նաեւ, որ մոտ ապագայում բացվելու է «Մինի Զու»-ի եւս մեկ ընդարձակ տաղավար, որպեսզի ավելի շատ երեխաներ կարողանան շփվել կենդանիների հետ:
Մեծ էր երեխաների ուրախությունը, երբ նրանց այցելեցին մուլտհերոսները, եւ ավելի մեծ՝ երբ հայտնվեց Mini Zoo-ի տոնական տորթը, որը երեխաները մեծագույն հաճույքով համտեսեցին:
Մերի Հունանյանի, «Նոյյան Տապան»
Միջոցառման լուսանկարներն այստեղ
ՀԱՅԵՐԵՆ
Русский
English
Դաս. հայերեն
French
