Սիրիացի քրդերը թուրքական գործողությունները գնահատել են որպես բռնազավթում
24-08-2016 13:53:35 | Սիրիա | Միջազգային
Սիրիական ժողովրդավարական ուժերը ԱՄՆ-ի գլխավորությամբ և աջակցությամբ թուրքական զորքերի հետ բախումը համարում են անխուսափելի, եթե Ջերաբլուսի վրա հարձակումները շարունակվեն: Interfax.ru-ի փոխանցմամբ` այդ մասին Մոսկվայում հայտարարել է քրդական
Ժողովրդավարական միություն կուսակցության ղեկավար Աբդեսալյամ Ալին:
«Թուրքիայի գործողությունները դա հարևան երկրի ուղղակի բռնազավթում է: Բնականաբար մենք դեմ դուրս կգանք դրան, եթե նրան կընդլայնեն իրենց ներկայությունը երկրում, ավելին` մեր ղեկավարները համապատասխան միջոցառումներ ձեռք կառնեն, որից հետո քրդերի և թուրքերի բախումներն անխուսափելի կլինեն»,- ասել է նա Interfax-ին տված հարցազրույցում:
Ավելի վաղ, Բի Բի Սի-ն գրել էր, որ Թուրքիայի գործողությունները կրում են հարձակվողական բնույթ և ուղղաված են ոչ միայն Ջերաբլուսն ԻՊ ահաբեկիչներից ազատագրելուն, այլև քրդերին Սիրիայում ամրապնդվել թույլ չտալուն: