Գերմանիան որոշել կործանիչները դուրս բերել թուրքական Ինջիրլիկ ավիաբազայից
25-08-2016 12:42:05 | Գերմանիա | Միջազգային
Գերմանիայի զինված ուժերը պատրաստվում են թուրքական Ինջիրլիկ ավիաբազայից տեղափոխել վեց Տորնադո կործանիչներն այն բանից հետո, երբ Անկարան արգելել է Բունդեսթագի պատգամավորներին այցելել իրենց երկիր: Interfax.ru-ի փոխանցմամբ` այդ մասին հայտնել է Der Spiegel ամսագիրը:
Վերջինիս Բունդեսթագի ներկայացուցիչը փոխանցել է, որ իրենք կցանկանային շարունակել իրականացնել իրենց առաքելությունն, սակայն Ինջիրլիկ ավիաբազան այլընտրանք ունի:
Ամսագրի զրուցակցի խոսքերով` Բունդեսվերը քննարկում է Հորդանանում և Կիպրոսում կործանիչների մշտական տեղակայման վայրը փոխելու տարբերակը:
Նշվում է, որ թուրքական ավիաբազայում կործանիչների հետ միասին գտնվում են նաև 250 գերմանացի զինծառայողների խումբ և մեկ լիցքավորող ինքնաթիռ:
Պարբերականը նշում է, որ կործանիչների մշտական տեղակայման վայրի փոփոխության պատճառով «Իսլամական պետություն» ահաբեկչական խմբավորման դեմ ուղղված օդային գործողությունները կհետազգվեն առնվազն երկու ամսով:
ՀԱՅԵՐԵՆ
Русский
English
Դաս. հայերեն
French
