Ավստրալիայի իշխանությունները կընդլայնեն ԻՊ-ի դեմ պայքարող իրենց զինվորականների լիազորությունները
01-09-2016 12:15:13 | Ավստրալիա | Հասարակություն
Ավստրալիայի կառավարությունը որոշել է ընդլայնել Մերձավոր Արևելքում գտնվող իր երկրի ռազմական զորախմբի լիազորությունները, որը պայքար է մղում «Իսլամական պետություն» ահաբեկչական խմբավորումը: tass.ru-ի փոխանցմամբ` այդ մասին հաղորդել է երկրի վարչապետ Մալկոլմ Տերնբուլը:
Վերջինս օրենսդիրների ուշադրությունը հրավիրել է ավստրալիական ազգային օրենսդրության և ռազմական գործողությունների իրականացման վերաբերյալ միջազգային օրենքների միջև առկա հակասությունների վրա, ինչի պատճառով նրա խոսքերով` նվազում է Ավստրալիայի ռազմաօդային ուժերի ինքնաթիռների գործունեության արդյունավետությունը:
Համաձայն ավստրալիական օրենքների` նման հարվածներ կարող են հասցվել միայն այն զինյալների ուղղությամբ, որոնք անմիջականորեն և ակտիվորեն մասնակցում են մարտական գործողությունների: Առաջիկա օրերին կառավարությունը խորհրդարան կներկայացնի օրենքի նախագիծ, որը վերացնում է այդ հակասությունը:
ՀԱՅԵՐԵՆ
Русский
English
Դաս. հայերեն
French
