<Զվարթնոց> միջազգային օդանավակայանում բացվել է ժամանակակից արվեստի ցուցասրահ
01-09-2016 15:28:14 | Հայաստան | Մշակույթ
Այսուհետև <Զվարթնոց> միջազգային օդանավակայանում կգործի ժամանակակից արվեստի <Art Am> ցուցասրահը: Մեկնման սրահում բացված ցուցասրահը ավելի հետաքրքիր կդարձնի ուղևորների ճամփորդությունը:
<ԱրտԱմ>-ը գեղարվեստական անկյուն է՝ ուղղված հայ արվեստագետների և հայկական մշակույթի տարածմանն ու զարգացմանը: Տեղակայված լինելով <Զվարթնոց> միջազգային օդանավակայանում՝ այն նպատակ է հետապնդում մոտեցնել հայ մշակույթը հասարակությանը՝ արվեստն ու մշակութային ժառանգությունը այցելուների համար դարձնելով ճանաչողության կարևորագույն տարր:
Հիմնելով այս գեղարվեստական անկյունը՝ <Զվարթնոց> միջազգային օդանավակայանը իր նվիրվածությունն է արտահայտում հայ մշակույթի զարգացման գործին:
Առաջինը <Art Am> -ում կցուցադրվեն Հասմիկ Ավետիսյանի 26 նկարները:
Ցուցադրությունները կփոխվեն ամեն ամիս: Փաստորեն ցուցադրվող յուրաքանչյուր նկար մեկ ամիս շարունակ կցուցադրվի մի վայրում, որտեղով հսկայական մարդկային հոսք է անցնում: