G20-ը կարևորագույն մեխանիզմ գլոբալ տնտեսական խնդիրների լուծման հարցում. Նազարբաև
02-09-2016 14:50:54 | Ղազախստան | Միջազգային
G20-ը հանդիսանում է կարևորագույն մեխանիզմ գլոբալ տնտեսական խնդիրների լուծման հարցում: tass.ru-ի փոխանցմամբ` այդ մասին հայտարարել է Ղազախստանի նախագահ Նուրսուլթան Նազարբաևը չինական ԶԼՄ-ներից մեկին տված հարցազրույցում:
Նրա խոսքերով` ներկա պահին «Մեծ քսանյակը» դիտարկվում է որպես կարևորագույն մեխանիզմ գլոբալ տնտեսական խնդիրների լուծման, մասնակից պետությունների մակրոտնտեսական քաղաքականության կորդինացման, համաշխարհային ֆինանսական ճարտարապետության բարեփոխման համար:
Ն. Նազարբաևը նշել է, որ G20-ը դարձյալ պետք է ցույց տա իր հնարավորությունները համաշխարհային տնտեսական կայունության ապահովման հետ կապված:
«Որպես գագաթնաժողովի հաջորդ նախագահող երկիր` Չինաստանը հիմնական խաղադրույքը անում է ներդրումների, արդյունաբերական նոր հեղափոխության և թվային տնտեսության վրա»,- ասել է նա` ընդգծելով, որ Ղազախստանն ամբողջությամբ աջակցում է նման ընտրությունը:
ՀԱՅԵՐԵՆ
Русский
English
Դաս. հայերեն
French
