Ֆրանսիական Կալեի բնակիչները փակել են քաղաքային մայրուղին` բողոքելով ապօրինի ներգաղթյալների դեմ
05-09-2016 13:13:51 | Ֆրանսիա | Հասարակություն
Ֆրանսիայի հյուսիսային Կալե քաղաքի և նրա արվարձանների բնակիչները երկուշաբթի առավոտից զանգվածային բողոքի ակցիաներ են իրականացնում տարածաշրջանում ապօրինի բազմաթիվ փախստակնների ընդունման դեմ, որոնք փորձում են այնտեղից տեղափոխվել Մեծ Բրիտանիա:
tass.ru-ի փոխանցմամբ` տեղի իշնություններից պահանջելով շտապ լուծել այդ հարցը, գյուղացիներն ու բեռնափոխադրողները փակել են դեպի քաղաք տանող հիմնական երկաթուղային մայրուղիները:
Տեղեկացվում է, որ գրեթե հարյուր բեռնատարների ու տրակտորների մասնակցությամբ բողոքի ակցիան ընթանում է Ա16 մայրուղու վրա, որը միացնում է տվյալ շրջանը Բելգիայի հետ` անցնելով Ֆրանսիայի հյուսիսով հիմնական նավահանգիստների միջոցով: Ցուցարարները նվազագույն արագությամբ ընթանում են մայրողու երկու կողմերով` դժվարացնելով Կալեի արվարձաններում տրանսպորտային միջոցների տեղաշարժը: Առաջիկա ժամերին երկու ավտոշարասյունները պետք է հանդիպեն Կալեն շրջանցող ճանապարհահատվածում, որտեղ ընթանում է ցույցը: Այստեղ քաղաքի կենտրոնից պետք է հասնեն նաև քայլերթով ընթացող ցուցարարները` մոտ 500 մարդ:
Նշվում է, որ Կալեն շրջանցող վերոնշյալ ճանապարհահատվածը վերջին շրջանում տխուր համբավ է ձեռք բերել ապօրինի փախստականների պատճառով, որոնց գիշերով այդտեղ ծուղակ են սարքում` փորձելով ցատկել և նստել բեռնատարներն ու այդպիսով ուղևորվել Մեծ Բրիտանիա: