«Գյումրի Ռոքֆեստ-2016». փառատոն՝ նվիրված Հայաստանի Հանրապետության անկախության 25-ամյակին

24-09-2016 17:17:51 | Հայաստան | Մշակույթ

ՀՀ մշակույթի նախարարության աջակցությամբ և «Ծիրանափող» մշակութային երիտասարդական հասարակական կազմակերպության նախաձեռնությամբ՝ ս. թ. սեպտեմբերի 24-25-ը, Գյումրիում կկայանա «Գյումրի ՌոքՖեստ-2016» խորագրով միջազգային ռոք-փառատոնը՝ նվիրված ՀՀ անկախության 25-ամյակին:

Ծրագիրը Հայաստանի Հանրապետության անկախության 25-ամյակին նվիրված երաժշտական, թատերական միջոցառումների, կինոնախագծերի, ցուցահանդեսների և այլ մշակութային ծրագրերի մրցույթում հաղթող ճանաչված նախագծերից է:

Ռոք-փառատոնը, որն իրականացվում է «Գյումրու օր» ծրագրի շրջանակում, աննախադեպ իրադարձություն է հանրապետության երկրորդ քաղաքի մշակութային տարեգրության մեջ. առաջին անգամ Գյումրին կհյուրընկալի հայաստանյան և միջազգային շուրջ տասնյակ հեղինակավոր ռոք խմբերի:

Փառատոնի «Գալա» համերգը կկայանա սեպտեմբերի 25-ին, ժամը 17:00-ին, Գյումրու «Սև Բերդ» ամրոցում: Համերգին կնախորդեն բազմապիսի միջոցառումներ. փառատոնի մասնակից խմբերը հանդես կգան քաղաքի տարբեր հատվածներում:

Նոյյան տապան - Մշակույթ