Իրաքյան ուժերի ստորաբաժանումները երեքշաբթի մտել են Մոսուլ: Interfax.ru-ի փոխանցմամբ` «Իսլամական պետություն» ահաբեկչական խմբավորման զինյալները կատաղի դիմադրություն են ցույց տալիս իրաքցի զինվորականներին:
Ավելի վաղ, ԱՄՆ-ի գլխավորած միջազգային կոալիցիայի ինքնաթիռները ավիահարվածներ էին հասցրել Մոսուլի արվարձաններում տեղակայված ԻՊ ահաբեկիչների դիրքերին:
Մասնավորապես, հարվածի են ենթարկվել Գոջալ շրջանում գտնվող ԻՊ օբյեկտները:
Հոկտեմբերին Իրաքի կառավարությունը հայտարարել էր Մոսուլ քաղաքի վրա հարձակումների սկզբի մասին, որը 2014 թվականից գտնվում էր ԻՊ-ի հսկողության տակ:
Նշվում է, որ գործողություններն իրականացնում է իրաքյան բանակը, քրդական աշխարհազորայինների ստորաբաժանումները, ԱՄՆ-ի գլխավորած միջազգային կոալիցիան: