Թուրք զինվորականները սկսել են զրահատեխնիկան տեղակայել իրաքյան սահմանին
01-11-2016 17:54:23 | Իրաք | Միջազգային
Թուրքիայի զինված ուժերը սկսել են կենտրոնական շրջաններից տանկերը և զրահատեխնիկան տեղափոխել իրաքյան սահման:
tass.ru-ի փոխանցմամբ` Անկարայից և հարևան Չանկիրա նահանգից 28-րդ մոտոհրաձգային բրիգադի հրամանատարության տեղակայման վայրից ռազմական շարասյունը սկսել է տեղաշարժվել: Դրանց թվում են տանկեր, այլ թրթուռավոր և անիվներով ռազմական մեքենաներ, օժանդակ և ինժեներական տեխնիկա: Շարասյունը շարժվում է Շիրնակ նահանգի ուղղությամբ և անորոշ ժամանակով կտեղակայվեն Իրաքի հետ սահմանին Սիլոպի թաղամասում: Այնտեղ նրանք կուժեղացնեն Թուրքիայի ռազմական ուժերի ծառայություն իրականացնող ստորաբաժանումներին:
Ընթացիկ ռազմական տեղաշարժի պատճառների և կոնկրետ խնդիրների մասին առայժմ տեղեկություններ չկան: Սակայն ավելի վաղ, թուրքական իշխանությունները մեկ անգամ չէ որ հայտարարել են, թե մեծ ուշադրություն են դարձնում Իրաքի հետ սահմանի պաշտպանությանը, Մոսուլն ահաբեկիչներից ազատագրելու ուղղությամբ գործողությունների սկսվելուց հետո: Անկարան մտավախություն ունի ինչպես փախստականների նոր ալիքից, այնպես էլ ծայրահեղականների հնարավոր ներթափանցումից Թուրքիա: Բացի այդ, Թուրքիան ուշադրությամբ հետևում է Մոսուլից ոչ հեռու գտնվող Թալ Աֆար և Սինջար բնակավայրերում տիրող իրավիճակին: