Ռուսաստանը վավերացրել է Աբխազիայի հետ զորքերի միավորման մասին համաձայնագիրը
02-11-2016 15:51:29 | Ռուսաստան | Միջազգային
Ռուսաստանի պետական Դուման վավերացրել է Ռուսաստանի և Աբխազիայի միջև զորքերի միավորման և քրեկան գործերով փոխադարձ իրավական օգնություն ցուցաբերելու մասին համաձայնագիրը:
news.mail.ru-ի փոխանցմամբ` Պետդումայի փոխխոսնակ Իրինա Յարովան հայտարարել է, որ համաձայնագիրն ուղղված է երրորդ անձանց դեմ և ունի տարածքային ամբողջականությունը սադրանքներից և անօրինական գործողություններից պաշտպանելու բնույթ:
Նրա խոսքերով` Ռուսաստանում հիշում են «Աբխազիայի նկատմամբ ագրեսիան և բռնությունը», ուստի այդ տարածաշրջանում խաղաղությունն ու անվտանգությունը կարևոր են Մոսկվայի համար:
Ռուսաստանի և Աբխազիայի միջև զորքերի միավորման մասին համաձայնագիրը ստորագրվել է 2015 թվականի նոյեմբերի 21-ին Մոսկվայում:
Ինչպես հստակեցվում է փաստաթղթում, միավորումը նախատեսված է զինված հարձակումներին արձագանքելու, ինչպես նաև կողմերից որևէ մեկի նկատմամբ ռազմական անվտանգության սպառնալիքի դեմ պայքարելու համար: