Գերմանիան ներգաղթյալների կարիքները հոգալու համար դաշնային շրջաններին կհատկացնի լրացուցիչ 2,6 մլրդ եվրո
02-11-2016 16:16:00 | Գերմանիա | Հասարակություն
Գերմանիայի կառավարությունն այս տարի դաշնային շրջաններին կհատկացնի լրացուցիչ 2,6 մլրդ եվրո` ներգաղթյալների կարիքները հոգալու համար:
Interfax.ru-ի փոխանցմամբ` այդ որոշումը կայացվել է այն բանից հետո, եր դաշնային շրջանները զեկուցել են ներգաղթյալների վրա իրենց կողմից արվող իրական ծախսերի մասին հունվարից մինչև օգոստոս ընկած ժամանակահատվածի կտրվածքով:
Բեռլինը նրանց գումարներ էր տրամադրել ամսեկան մեկ անձին 670 եվրոյի չափով: Ընդհանուր առմամբ` 2016 թվականին նախատեսվում էր ծախսել գրեթե 7 մլրդ եվրո, սակայն այդ գումարը պարզվել է չի բավարարում:
Հաշվի առնելով ընթացիկ հավելումները` ներգաղթյալների համար ծախսերն աճել են մինչև 9,5 մլրդ եվրո:
Կառավարությունում նշել են, որ վերոնշյալ որոշումը հանգեցնելու է պետական պարտքի ավելացման: