Սուրեն Կարայանի խոստացած 500 միլիոնը՝ ըստ ոլորտների
08-02-2017 13:09:39 | Հայաստան | Տնտեսություն
Հանրության ուշադրությանն ենք ներկայացնում 2017 թվականին իրականացվելիք ներդրումների ծավալների վերաբերյալ մանրամասներ։
Հայաստանի Հանրապետությունում ներդրումային ծրագրերի շրջանակներում ընկերություններին, ըստ իրենց կարիքների, տրամադրվել է տարատեսակ աջակցություն, ինչի շնորհիվ նորաստեղծ ընկերությունները հնարավորություն ունեն «ոտքի կանգնել», իսկ արդեն իսկ գործող ընկերությունները՝ ընդլայնվել՝ ազատ միջոցներն ուղղելով արտադրությանը և ստեղծելով նոր աշխատատեղեր։
Նախարարության տրամադրության տակ գտնվող տեղեկատվության համաձայն՝ 2017 թվականին նախատեսվում է 459 մլն ԱՄՆ դոլարի ներդրումային ծրագրերի իրականացում, որոնց արդյունքում ակնկալվում է 5927-ից ավելի աշխատատեղերի ստեղծում։ Նշված ներդրումային ծրագրերն իրականացնող տնտեսվարողների հետ 2017 թվականի ներդրումները քննարկվել և հստակեցվել են։
Նախարարությունն իրականացնում է այս աշխատանքների մշտադիտարկում և այցելում ընդլայնվող կամ նոր բացվող ձեռնարկություններ՝ տեղում ծանոթանալու գործընկերների աշխատանքին, արտադրական գործընթացներին, իրազեկվելու խնդիրներին՝ դրանց համապատասխան լուծումներ գտնելու նպատակով։
Ըստ ոլորտների՝ ներդրումները կունենան հետևյալ կառուցվածքը․
ՈլորտՆերդրումային ծրագրերի քանակ Հայտարարված ներդրումներ
(մլն ԱՄՆ դոլար)Հայտարարված աշխատատեղեր
Թեթև արդյունաբերություն1024,92299
Ճշգրիտ ճարտարագիտություն79,5142
Ոսկերչություն57,059
Հանքարդյունաբերություն5230,31464
Դեղագործություն45,5195
Էներգետիկա463,575
Խմիչքի արտադրություն412,6215
Սննդի արդյունաբերություն34,5440
Գյուղատնտեսություն և լոգիստիկա360,1776
Հեռահաղորդակցություն և ՏՏ33270
Ոչ մետաղական հանքանյութի արտադրություն և մետալուրգիա25,532
Այլ ծառայություններ 34,3160
Ընդամենը53459,845927
Ըստ մարզերի՝
ՄարզՆերդրումային ծրագրերի քանակ Հայտարարված ներդրումներ
(մլն ԱՄՆ դոլար)Հայտարարված աշխատատեղեր
Երևան33143,271823
Սյունիք525,3395
Գեղարքունիք22,6954
Լոռի329,7324
Տավուշ33,33900
Կոտայք312,45112
Շիրակ25,7330
Արմավիր27,0220
Արագածոտն19,7144
Արարատ220,7525
Վայոց Ձոր1200,01100
Ընդամենը57 459,845927
Ներդրողներն օգտվում են պետության աջակցության գործիքակազմից , մասնավորապես՝
•ԱԱՀ վճարների հետաձգում մինչև 3 տարի ժամկետով սարքավորումների ներմուծման և ներդրումային ծրագրերի շրջանակներում ներմուծված ապրանքների համար
•գերակա ոլորտում ներդրումային ծրագրերի շրջանակում հումքի և սարքավորումների մաքսատուրքից ազատման արտոնություն
•ՓՄՁ ներդրումներ ՈՒՎԿ-ի կողմից տրամադրվող մատչելի վարկեր և ֆինանսական աջակցության այլ գործիքներ
•ՓՄՁ պետական աջակցության գործիքներ
•Արտահանմանն ուղղված պետական աջակցության գործիքներ
•Արտահանման ապահովագրության ծառայության տրամադրում
•Լիզինգի տրամադրում մինչև 10 տարի ժամկետով՝ 9%-ով
•Ազատ տնտեսական գոտիներում տրամադրվող արտոնություններ
Ներդրողների և բիզնեսի հետ աշխատանքը նախարարություոնում անընդհատ գործընթաց է․ նախարարուրությունը մշտապես դիմումներ է ստանում տարբեր ընկերությունների կողմից` պետական աջակցության գործիքակազմից օգտվելու համար` նոր ներդրումներ իրականացնելու նպատակով։ Օրինակ՝ ԱԱՀ-ի հետաձգման արտոնությունից օգտվելու համար ներկայումս քննարկվում են 5 ընկերությունների կողմից ներկայացված հայտերը:
Ներդրումային հարթակի միջոցով հավաքագրվել են բիզնես գաղափարներ, մշակվել և ներդրումային հետաքրքիր ծրագրերի տեսք ստացել։ Մյուս ներդրումային ծրագրերի հետ մեկտեղ, դրանք ներկայացվում են օտարերկյա ներդրողներին դիվանագիտական խողովակների, գործարար համաժողովների միջոցով և տարատեսակ հանդիպումների ընթացքում։ Ինչ վերաբերում է մարզային ծրագրերին, ապա վարչապետի մոտ կայացած քննարկումներից հետո հստակեցվում է ծրագրերի իրատեսականությունը և աշխատանքներ են տարվում նախարարության գործիքակազմից դրանց ֆինանսական աղբյուրների ապահովման ուղղությամբ։