Երևանի պետական համալսարանի դասախոս, Հայոց պատմության ամբիոնի դոցենտ, շուրջ երեք տասնյակ գիտական հոդվածների եւ գրքերի հեղինակ Արտակ Մովսիսյանը իր ֆեյսբուկյան էջում գրել է․
"Հարգելի ընկերներ.
Ուրախությամբ ցանկանում եմ տեղեկացնել, որ այսօր՝ Արցախյան շարժման տարեդարձի օրը, համացանցում հրապարակվեց Սփյուռքի մեկօրյա դպրոցների համար նախատեսված "ՀԱՅՈՑ ՊԱՏՄՈՒԹՅՈՒՆ" ձեռնարկիս թուրքերեն թարգմանությունը՝ pdf տարբերակով: Մինչ այս, այն լույս էր տեսել արևելահայերեն, արևմտահայերեն (դասական ուղղագրությամբ), ռուսերեն և ֆրանսերեն: Ձեռնարկը բաղկացած է 120 էջից, հարուստ պատկերազարդված է, ունի առաջին անգամ թուրքերենով պատրաստված Հայաստանի պատմության քարտեզներ:
Պատրաստվել է "ԱՐԱՏՏԱ" գիտակրթական, մշակութային հիմնադրամի մեկենասությամբ:
Խնդրում և հորդորում եմ բոլորին այն տարածել թուրքախոս ընթերցողների շրջանում: Առաջին հերթին, իհարկե, նկատի ունեմ թուրքախոս և բռնի իսլամացված հայերին: "