Ֆրանսիան պատրաստ է Ղարաբաղյան հակամարտության կարգավորման հարցով հանդիպում կազմակերպել
24-03-2017 11:46:42 | Ֆրանսիա | Հասարակություն
Ֆրանսիան պատրաստ է կազմակերպել Հայասստանի և Ադրբեջանի նախագահների հանդիպումը ղարաբաղյան հակամարտության կարգավորման հարցով։ tass-ի փոխանցմամբ՝ այդ մասին հայտարարել է Ֆրանսիայի Արտաքին գործերի նախարար Ժան Մարկ Էյրոն։
«Եթե կողմերը կցանկանան շարունակել բանակցությունները և խաղաղ համաձայնագիր ստորագրել, ապա Ֆրանսիան պատրաստ է հանդիպում կազմակերպել»,- ասել է Էյրոն։
Ըստ նրա՝ Ֆրանսիան չի ցանկանում, որ հակամարտության գոտում ռազմական գործողություններ իրականացվեն։
Ֆրանսիայի արտգործնախարարի կարծիքով՝ նմանատիպ կոնֆլիկտները պետք է լուծվեն միայն բանակցությունների և դիվանագետների միջոցով։
Նա դեմ է արտահայտվել հակամարտության հարցում ստատուս քվոյի պահպանմանը։
Ֆրանսիայի արտգործնախարարը նաև հավելել է, որ Ֆրանսիան շարունակելու է միջնորդական առաքելությունը հակամարտության կարգավորման հարցում։
ՀԱՅԵՐԵՆ
Русский
English
Դաս. հայերեն
French
