Անսարքության պատճառով Ղազախստանի ֆուտբոլի հավաքականին տեղափոխող ինքնաթիռը վերադարձել է Երևան
27-03-2017 12:17:00 | Հայաստան | Հասարակություն
Ղազախստանի ֆուտբոլային հավաքականի խաղացողներին տեղափոխող ինքնաթիռն արտակարգ վայրէջք է կատարել Զվարթնոց օդանավակայանում:
Այդ մասին իր թվիթերյան էջում գրել է Ղազախստանի հավաքականի ԶԼՄ ներկայացացուցիչ Երբոլ Կաիրովը` հավելելով, որ ինքնաթիռի արտակարգ վայրէջքի պատաճառը եղել է հենասարքի անսարքությունը:
Նրա փոխանցմամբ` օդանավի հրամանատարը որոշում է կայացրել վերադառնալ Զվարթնոց օդանավակայան, իսկ օդանավի կանոնավոր չվերթի փոփոխությունից հետո նախատեսվում է վերադառնալ Ղազախստան:
Նշենք, որ նախորդ օրը Երևանում Ղազախստանի հավաքականը 2018 թվականի Ֆուտբոլի աշխարհի առաջնության ընտրական փուլում 0:2 հաշվով պարտվեց Հայաստանի հավաքականին: