«Մշակութային կանգառ». Հայաստանի պարարվեստի «Բարեկամություն» պետական համույթի մենահամերգը` Ստեփանավանի Ա. Մարգարյանի անվան մշակույթի պալատում

27-04-2017 12:22:12 | Լոռու մարզ | Մշակույթ

ՀՀ մշակույթի նախարարության «Մշակութային կանգառ» ծրագրի շրջանակում` ս. թ. ապրիլի 28-ին, Ստեփանավանի Ա. Մարգարյանի անվան մշակույթի պալատում կկայանա վաստակավոր կոլեկտիվ Հայաստանի պարարվեստի «Բարեկամություն» պետական համույթի մենահամերգը:

Համույթի գեղարվեստական ղեկավար՝ Հայաստանի Հանրապետության ժողովրդական արտիստ Նորայր Մեհրաբյան:

Պարարվեստի սիրահար հանդիսատեսից բացի, համերգին հրավիրվել են նաև Ստեփանավան քաղաքում գործող պարային ստուդիաների սաները և պարարվեստի գործիչներ:

Հիշեցնենք, որ ՀՀ մշակույթի նախարարության «Մշակութային կանգառ» ծրագիրը մեկնարկել է ս. թ. հունվարի 26-ին: Ծրագրի շրջանակում, ՀՀ և ԼՂՀ 130 համայնքներում, ընդհանուր առմամբ, կիրականացվի 426 միջոցառում` թատերահամերգային ծրագրեր, ցուցահանդեսներ, կինոցուցադրություններ:

Ծրագրի գլխավոր հովանավորն է մարդկային ռեսուրսների «Փյունիկ» հիմնադրամը:

Նոյյան տապան - Մշակույթ

Կարդացել են 1236 անգամ

«Մշակութային կանգառ». Հայաստանի պարարվեստի «Բարեկամություն» պետական համույթի մենահամերգը` Ստեփանավանի Ա. Մարգարյանի անվան մշակույթի պալատում

Noyan Tapan TV