Իրանը և Ռուսաստանը կնքել են «Նավթ` ապրանքի փոխարեն» գործարքը
25-05-2017 13:41:46 | Իրան | Տնտեսություն
Իրանի նավթի նախարար Բիժան Զանգանեն հայտարարել է, որ Ռուսաստանի հետ կնքվել է «Նավթ ապրանքի փոխարեն» գործարքը: gazeta-ի փոխանցմամբ` Զանգանենը նաև տեղեկացրել է, որ գործարքը վերջնական տեսքի բերելու գործընթացն իրականացվում է ռուսական կողմից:
«Մեր կողմից բարդյություններ չկան, սպասում ենք, թե երբ ռուսական նավթային ընկերությունները կուղարկեն իրենց լցանավերը:
Մարտի վերջին հաղորդվել էր, որ Իրանը պատրաստ է Ռուսաստանի հետ քննարկել «Նավթ` ապրանքի փոխարեն» ծրագրի շրջանակներում օրական 100 հազար բարել նավթ մատակարարելու հարցը:
Նշվում է, որ 2016 թվականի կեսերին Ռուսաստանի Էներգետիկայի նախարար Ալեքսանդր Նովակը հայտարարել էր, որ Ռուսաստանը և Իրանն առևտրաշրջանառությունն ավելացնում են 80 տոկոսով: