ՌԴ ԱԻՆ-ը զգուշացրել է առաջիկա օրերին Մոսկվայում սպասվող անձրևների ու քամու ուժգնացման մասին
01-06-2017 13:13:48 | Ռուսաստան | Հասարակություն
Մոսկվայում առաջիկա օրերին սպասվում է անձրևի և քամու ուժգնացում մինչև 20մ/վ արագությամբ: Interfax-ի փոխանցմամբ՝ այդ մասին զգուշացրել է ՌԴ արտակարգ իրավիճակների նախարարության (ԱԻՆ) մայրաքաղաքային վարչության մամլո ծառայությունը:
Աղբյուրի տեղեկացմամբ՝ Մոսկվայում հունիսի 1-ին ժամը 11:00-ից մինչև հունիսի 2-ին ժամը 11:00-ը սպասվում են կարճատև անձրև և քամու ուժգնացում մինչև 15-20 մ/վ արագությամբ:
ՌԴ արտակարգ իրավիճակների նախարարությունում նշել են, որ քամու ուժգնացման պայմաններում հնարավոր է վնասվեն էլեկտրասյունները, ծառերն արմատախիլ լինեն, ինչը կարող է հանգեցնել ճանապարհներին խցանումների, մեքենաների վթարների և մարդկանց վնասվածքների: