ԱՄՆ-ի գլխավորած կոալիցիայի ավիահարվածների արդյունքում Ռաքքայում 300 խաղաղ բնակիչ է զոհվել
14-06-2017 19:13:43 | Իրաք | Հասարակություն
Սիրիական Ռաքքա քաղաքի համար մարտի 21-ից մղվող պայքարի ընթացքում ԱՄՆ-ի գլխավորած կոալիցիայի գործողությունների արդյունքում զոհվել է 300 քաղաքացիական անձ: tass-ի փոխանցմամբ` այդպիսի տվյալներ արձանագրել է Ժնևում գործող Սիրիայում մարդու իրավունքների խախտումները հետաքննող ՄԱԿ-ի անկախ հանձնաժողովը:
«Մենք արձանագրել ենք քաղաքացիական անձանց մահն ավիահարվածների կոալիցիայի արդյունքում»,- հայտարարել է հանձնաժողովի անդամ Կարեն Աբուզաիդը` հավելելով, որ մարտի 21-ից շուրջ 300 զոհվածներից 200-ը Մանսուր գյուղի բնակիչներ են: