ԹԵՀՐԱՆ, 16 ՆՈՅԵՄԲԵՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: Վիետնամում նոյեմբերի 4-ին մեկնարկած Ասիայի լողի երրորդ շրջանի մրցումներին Իրանի 6-հոգանոց հավաքականի կազմում մասնակցել են իրանահայ լողորդներ Էմին Նովշադին եւ Գամեր Դիլանչյանը: Ինչպես գրում է «Ալիք» օրաթերթը, Իրանի հավաքականը 4x100 մետր ազատ ոճի մրցումներում նվաճել է արծաթե մեդալ: 100 մետր բատերֆլայ ոճում Էմին Նովշադին 57 հարյուրերորդական վայրկյանով բարելավել է Իրանի նախկին մրցանիշը: Իրանցի լողորդներին հաջողվել է շահել երկու ոսկե, մեկ արծաթե եւ մեկ բրոնզե մեդալ:

---