ԻՊ ահաբեկիչներն Իսպանիային սպառնացել են նոր ահաբեկչություններով
24-08-2017 13:41:06 | Իսպանիա | Հասարակություն
«Իսլամական պետություն» ահաբեկչական խմբավորման զինյալները համացանցում տեսանյութ են տարածել, որում իսպաներեն լեզվով սպառնում են նոր ահաբեկչություններ իրականացնել այդ երկրում:
Interfax-ի փոխանցմամբ՝ տեսանյութում ԻՊ ահաբեկիչները խոստանում են Ալ Անդալուսը վերածել խալիֆաթի հողի:
Ալ Անդալուս անվամբ նախկինում հայտնի է եղել մուսուլմանական Իսպանիան՝ Պիրենեյան թերակղզու տարածքը զարգացած միջնադարի ամբողջ ընթացքում (711-1492)։
Նշվում է, որ նախորդ շաբաթ Կատալոնիայում տեղի ունեցած երկու ահաբեկչությունների արդյունքում զոհվել է 15 մարդ, 100-ից ավելին՝ ստացել են վնասվածքներ: