Ագրովերամշակման ոլորտի` 3% տոկոսադրույքով վարկային ծրագրից օգտվելու 16 հայտ է ստացվել. Գյուղնախ

19-09-2017 16:29:08 | Հայաստան | Տնտեսություն

2017 թվականի սեպտեմբերի 19-ի դրությամբ ՀՀ գյուղատնտեսության նախարարություն է ներկայացվել «Գյուղատնտեսական հումքի մթերումների նպատակով ագրովերամշակման ոլորտին տրամադրվող վարկերի տոկոսադրույքների մասնակի սուբսիդավորման» ծրագրից օգտվելու 16 նախնական հայտ՝ 1606.0 մլն դրամ գումարի չափով: Այս մասին հայտնում են ՀՀ գյուղատնտեսության նախարարության տեղեկատվության և հասարակայնության հետ կապերի բաժնից։

2017 թվականի սեպտեմբերի 19-ի դրությամբ ծրագրին մասնակցելու համաձայնություն են տվել հետևյալ բանկերը և վարկային կազմակերպությունները՝

«ԱԿԲԱ-կրեդիտ ագրիկոլ բանկ» ՓԲԸ,

«Ամերիաբանկ» ՓԲԸ,

«Արարատբանկ» ԲԲԸ,

«Արդշինբանկ» ՓԲԸ,

«Արմսվիսբանկ» ՓԲԸ,

«Ինեկոբանկ» ՓԲԸ,

«Կոնվերս բանկ» ՓԲԸ,

«Հայբիզնեսբանկ» ՓԲԸ,

«Հայէկոնոմբանկ» ԲԲԸ,

«Պրոմեթեյ բանկ» ՓԲԸ,

«ՎՏԲ-Հայաստան Բանկ» ՓԲԸ,

«Բիբլոս Բանկ Արմենիա» ՓԲԸ,

«ՓՄՁ ներդրումներ» ՈՒՎԿ ՓԲԸ,

«Քարդ ԱգրոԿրեդիտ» ՈՒՎԿ ՓԲԸ:

Պտուղբանջարեղեն և խաղող վերամշակող ընկերություններին առաջարկվում է ծրագրից օգտվելու նպատակով մինչև սույն թվականի հոկտեմբերի 1-ը գյուղացիական տնտեսությունների հետ կնքել բերքի գնման պայմանագրեր` համաձայն ՀՀ կառավարության 2017 թվականի օգոստոսի 3-ի նիստի N 33 արձանագրային որոշմամբ հավանության արժանացած պայմանագրի օրինակելի ձևի և աշխատել նշված բանկերի ու վարկային կազմակերպությունների հետ:

Նախարարությունից հիշեցնում են, որ Գյուղատնտեսական հումքի մթերումների նպատակով ագրովերամշակման ոլորտին տրամադրվող վարկերի տոկոսադրույքների մասնակի սուբսիդավորման ծրագրի շրջանակներում տարեկան առավելագույնը մինչև 12 տոկոս տրամադրվող անվանական տոկոսադրույքով նպատակային վարկերի մինչև 9 տոկոսային կետին համարժեք մասը (գումարը) սուբսիդավորվելու է, որպեսզի վարկառուի կողմից վճարվող վարկի տարեկան տոկոսադրույքը կազմի 3 տոկոս: Տրամադրվող վարկի առավելագույն չափը կազմում է 150.0 մլն դրամ:

Նոյյան տապան - Տնտեսություն

Կարդացել են 416 անգամ

Ագրովերամշակման ոլորտի` 3% տոկոսադրույքով վարկային ծրագրից օգտվելու 16 հայտ է ստացվել. Գյուղնախ

Noyan Tapan TV