ՄԱԿ-ը կոչ է արել անհետաձգելի միջոցներ ձեռք առնել կլիմայական փոփոխությունների դեմ պայքարելու համար
31-10-2017 17:28:46 | | Հասարակություն
«Պետությունները և ընկերությունները բավարար ջանքեր չեն գործադրում Փարիզյան համաձայնագրի շրջանակներում կլիմայի փոփոխության դեմ պայքարում»,- ասվում է շրջակա միջավայրի մասին ՄԱԿ-ի ծրագրային զեկույցում:
Interfax-ի փոխանցմամբ՝ զեկույցում նաև նշվում է, որ եթե պետությունները և ընկերությունները ամբողջությամբ պահպանեն իրենց խոստումները վտանգավոր արտանետումների դեմ պայքարելու հետ կապված, ապա 2100 թվականին աշխարհում ջերմաստիճանը կբարձրանա 3 աստիճանով: Միաժամանակ նշվում է, որ Փարիզյան համաձայնագրի նպատակն է պահպանել ջերմաստիճանի բարձրացումը 2 աստիճանից ցածր:
«Փարիզյան համաձայնագրի ուժի մեջ մտնելուց մեկ տարի անց մենք դեռևս բավարար ջանքեր չեն գործադրում միլիոնավոր մարդկանց տխուր ապագայից փրկելու համար»,- հայտարարել է ՄԱԿ-ի շրջակա միջավայրի վերաբերյալ ծրագրի (UNEP) ղեկավար Էրիկ Սոլհեյմը:
Զեկույցի հեղինակները գտնում են, որ 2020 թվականին, երբ կվերանայվեն երկրների կողմից վտանգավոր արտանետումների կրճատման պարտավորությունները, պետությունները պետք է ավելի շատ ջանքեր գործադրեն:
Եթե ԱՄՆ-ն պահպանի 2020 թվականին համաձայնագրից դուրս գալու որոշումը, ապա իրավիճակը կարող է ավելի մռայլ լինել:
Ավելի վաղ՝ այս տարի ԱՄՆ նախագահ Դոնալդ Թրամփը հայտարարել էր կլիմայական փոփոխությունների վերաբերյալ Փարիզյան համաձայնագրից դուրս գալու մտադրությունների մասին, ինչը դժգոհություններ էր առաջացրել:
Բացի այդ, ՄԱԿ-ի վերոնշյալ զեկույցում տեղեկացվում է, որ վերականգնվող էներգիայի աղբյուրների օգտագործման շնորհիվ՝ 2014 թվականից ածխածնային գազի արտանետումները մնում են կայուն մակարդակի վրա:
ՀԱՅԵՐԵՆ
Русский
English
Դաս. հայերեն
French
