Կառլես Պուչդեմոնը չի պատրաստվում Բելգիայում քաղաքական ապաստան խնդրել
31-10-2017 18:30:50 | Բելգիա | Միջազգային
Կատալոնիայի նախկին առաջնորդ Կառլես Պուչդեմոնը չի պատրաստվում Բելգիայում քաղաքական ապաստան խնդրել: korrespondent-ի փոխանցմամբ՝ այդ մասին նա հայտարարել է Բրյուսելում կայացած մամլո ասուլիսի ժամանակ:
«Ես այստեղ չեմ եկել քաղաքական ապաստան խնդրելու համար: Սա քաղաքականության հարց չէ: Ես այստեղ եմ, որպեսզի գործեմ ազատ և լինեմ անվտանգության մեջ»,- ասել է նա:
Պուչդեմոնի խոսքերով՝ առայժմ ինքը չի պատրաստվում վերադառնալ Իսպանիա: Նա Բրյուսելում կմնա այնքան ժամանակ, մինչև որ դատական գործընթացներ կսկսվեն:
Միաժամանակ մեկնաբանելով Իսպանիայի գլխավոր դատախազության կողմից ներկայացված հայցերը՝ Պուչդեմոնը նշել է, որ Մադրիդը ցանկանում է իրեն հետ ստանալ, այլ ոչ թե հասնել արդարության:
Ավելի վաղ հաղորդվել էր, թե իբր Պուչդեմոնը փաստաբան է վարձել Բելգիայից ապաստան ստանալու համար:
ՀԱՅԵՐԵՆ
Русский
English
Դաս. հայերեն
French
