Նոր մանրամասներ Ջիգարխանյանի ամուսնալուծության մասին
09-11-2017 15:39:08 | Ռուսաստան | Հասարակություն
Թատրոնի և կինոյի դերասան Արմեն Ջիգարխանյանի կինը համաձայնել է ամուսնալուծվել: Երկու կողմն էլ հրաժարվել է հաշտության եզրեր գտնելուց:
Gazeta-ի փոխանցմամբ՝ այս մասին հաղորդում է դերասանի փաստաբան Եվգենի Պարֆյոնովը:
«Ներկա դրությամբ ամուսնալուծության մասին մեր պահանջները նրանք հաստատել են»,- նշել է նա:
Միաժամանակ «Մոսկվա» քաղաքային լրատվական գործակալությունը հաղորդել է, որ Կունցևոյի հաշտարար դատական №202 տեղամասում Ա. Ջիգարխանյանի և Վիտալինա Ցիմբալյուկ-Ռոմանովսկայայի ամուսնալուծության մասին հայցը դատարանը կքննարկի նոյեմբերի 27-ին:
Ջիգարխանյանի ներկայացուցիչները նաև հայտարարել են այն մասին, որ իրենք միջնորդություն են ներկայացրել դատական նիստը դռնփակ անցկացնելու պահանջով:
ՀԱՅԵՐԵՆ
Русский
English
Դաս. հայերեն
French
