Անսպասելի բացահայտում. Աղի չարաշահումը կարող է հիպերտոնիա առաջացնել
16-11-2017 18:30:44 | | Գիտություն եւ տեխնոլոգիաներ
Գերմանացի, ամերիկացի և բելգիացի գիտնականների խումբը հայտարարել է աղի չարաշահման անսպասելի վտանգների մասին։
Ինչպես հաղորդում է «РИА Новости» -ին՝ գիտնականները եկել է այն եզրակացության, որ խոհարարական աղի չարաշահումը կարող է վնասել կաթնասունների աղիքային միկրոֆլորան, ինչը կարող է բազում հիվանդությունների պատճառ դառնալ։
Հետազոտողները փորձերը կատարել են մկների վրա, որոնց փորձաշրջանի ընթացքում կերակրել են մեծ քանակությամբ աղ պարունակող կերով:
Արդյունքում պարզվել է, որ մկների մոտ նվազել է Lactobacillus murinus բակտերիայի քանակը, ինչի հետևանքով կրծողների մոտ զարգացել է աուտոիմունային էնցեֆալիոմելիտ և հիպերտոնիա։
Աղբյուրի տեղեկացմամբ՝ մարդկանց շրջանում ևս իրականցվել են փորձնական ուսումնասիրություններ, որոնց արդյունքները վկայում են, որ մեծ քանակությամբ աղ օգտագործելու դեպքում օրգանիզմում բակտերիաների թիվը պակասում է, իսկ 17-րդ տեսակի Т-օգնականների բջիջներն ավելանում են, իսկ դա կարող է հիպերտոնիա առաջացնել։
Առողջապահական համաշխարհային կազմակերպությունը խորհուրդ է տալիս աղ օգտագործել օրական 5 գրամից ոչ ավելի։
ՀԱՅԵՐԵՆ
Русский
English
Դաս. հայերեն
French
