Չինաստանում հաջողությամբ կատարվել է գլխի առաջին փոխպատվաստումը
22-11-2017 17:39:59 | Չինաստան | Գիտություն եւ տեխնոլոգիաներ
Իտալացի հայտնի վիրաբույժ Սերժիո Կանավերոն հայտնել է Չինաստանում դիակի վրա գլխի հաջող փոխպատվաստման փորձի մասին։
Корреспондент-ի փոխանցմամբ՝ այս մասին նա տեղեկացրել է Վիեննայում կայացած մամուլի ասուլիսի ժամանակ։
Վիրաբույժի խոսքերով՝ Հարբինի բժշկական համալսարանի թիմը իրագործել է գլխի առաջին փոխպատվաստումը, ինչը նշանակում է, որ ողջ մարդու դեպքում վիրահատությունն անխուսափելի է։
Ինչպես նշում է Կանավերոն ՝ վիրահատությունը կատարել է իր գործընկեր Ժեն Սյաոպինը, ով 2 տարի առաջ իրականացրել էր կապիկի գլխի առաջին փոխպատվաստման փորձը։
«Մահացած մարդու վրա գլխի առաջին փոխպատվաստումն իրականացված է։ Մահացած ուղեղով դոնորից գլխի ամբողջական փոխպատվաստումը հաջորդ քայլը կլինի»,- ավելացրել է վիրաբույժը ։
Աղբյուրի տեղեկացմաբ՝ ավելի վաղ Սերժիո Կանավերոն հայտարարել էր, որ իրեն հաջողվել է կատարել կենդանիների գլխի փոխպատվաստման հաջող վիրահատություններ։
Ավելին ՝ մեկնարկել է դոնորի մարմնին մարդկային գլխի փոխպատվաստման նոր նախագիծը։
Որպես կամավոր՝ հանդես է եկել ռուս ծրագրավորող Սպիրիդոնովը, ով տառապում է մկանային ատրոֆիայով (ապաճում)։
ՀԱՅԵՐԵՆ
Русский
English
Դաս. հայերեն
French
