Երկիր մոլորակին ռեկորդային հեռավորությամբ մոտեցած լուսինը երևացել է 14 %-ով ավելի մեծ և 30 %-ով ավելի վառ
04-12-2017 16:26:42 | | Գիտություն եւ տեխնոլոգիաներ
Երկուշաբթի առավոտյան լուսինն առավելապես մոտեցել է երկիր մոլորակին և գտնվել ռեկորդային մոտ հեռավորության վրա։
Ինչպես փոխանցում է РИА Новости –ին՝ լուսինը եղել է երկիր մոլորակից 357․495 կմ հեռավորության վրա։
Երկիր մոլորակի արբանյակը այդ պահին երևացել է 14 %-ով ավելի մեծ և 30 %-ով ավելի վառ։ Սովորաբար լուսնի և երկիր մոլորակի միջև տարածությունը մոտ 380․000 կմ է։
Ինչպես նշում են Մոսկովյան պլանետարիայում (երկնքի պատկերը ցույց տվող սենյակ), դեկտեմբերյան իրադարձությունը սկիզբ է դնում գերլուսինների շարքին։ Հունվարյան երկու լիալուսինները նույնպես կհամարվեն գերլուսիններ։
Նման իրադարձություններ լինում են ամեն տարի, սակայն լիալուսնի՝ երկիր մոլորակին մոտենալու համընկնումը հազվադեպ է տեղի ունենում։
Աղբյուրի փոխանցմամբ՝ 2018 թվականի հունվարի 2-ի գիշերը մարդիկ հնարավորություն կունենան տեսնելու ևս մեկ գերլուսին, իսկ հունվարի 31-ին այն կհամընկնի լուսնային խավարման հետ, որը սկզբից մինչև վերջ տեսանելի կլինի հեռավոր արևելքում։
ՀԱՅԵՐԵՆ
Русский
English
Դաս. հայերեն
French
