Ծաղկաձորում նոր մարզահամալիրի կառուցման համար Գագիկ Ծառուկյանը կներդնի 30 միլիարդ դրամ
31-01-2018 18:48:52 | Հայաստան | Սպորտ
ՀԱՕԿ-ի նախագահ Գագիկ Ծառուկյանի միջոցներով Երևանի օլիմպիական հերթափոխի պետական մարզական քոլեջի Ծաղկաձորի մասնաճյուղի բազայի վրա կկառուցվի նոր և ժամանակակից մարզահամալիր, որը նախատեսված ինչպես հենակետային, այնպես էլ մյուս մարզաձևերի համար:
Համալիրի նախագիծը ՀՀ սպորտի և երիտասարդության հարցերի նախարարն արդեն քննարկել է մարզաձևերի մասնագետների հետ:
Նոր մարզահամալիրը կունենա միջազգային չափորոշիչներին համապատասխանող ընդարձակ ու հարմարավետ մարզադահլիճներ մենապայքարային և խաղային մարզաձևերի համար, ֆուտբոլի խաղադաշտ, ատլետիկայի համալիր, առանձին վազքուղի, հրաձգարան, լողավազան (50 x 25 մ), հյուրանոցային երկու մասնաշենք՝ ազգային, երիտասարդական և մանկապատանեկան հավաքականների համար:
Համալիրում կգործի վերականգնողական կենտրոնը, ինչպես նաև լաբորատորիան՝ մարզիկներին բժշկական համալիր ծառայություններ մատուցելու և դոպինգ ստուգումներ անցկացնելու համար:
Մարզահամալիրի կառուցման ընդհանուր արժեքը կկազմի շուրջ 30 միլիարդ ՀՀ դրամ:
ՀԱՅԵՐԵՆ
Русский
English
Դաս. հայերեն
French
