Իրանական խոշորագույն ավիաընկերությունն աշխատանքի կվերցնի կին օդաչուների

14-03-2018 17:41:36 | Իրան | Հասարակություն

Iran Air իրանական խոշորագույն ավիաընկերության ղեկավարությունը որոշում է կայացրել աշխատատեղեր բացել կին օդաչուների համար:

Interfax-ի փոխանցմամբ՝ այդ մասին հաղորդել է իրանական Tehran Times պարբերականը:

«Մեզ համար շատ կարևոր է, որպեսզի մեր աշխատակիցների շարքերում լինեն նաև կին օդաչուներ»,- աղբյուրը մեջբերում է ավիաընկերության ղակավար Ֆարզանե Շարաֆբաֆի հայտարարությունը:

Նշվում է, որ տարվա մեջ մեկ անգամ Iran Air-ը հայտարարում է մի շարք թափուր աշխատատեղերի մասին, իսկ այս տարի շեշտը դրվել է թույլ սեռի ներկայացուցիչներին՝ որպես օդաչուներ ընդգրկելու վրա:

Ներկա պահին ընկերության միջին օղակներում աշխատում են 16 տոկոս կանայք:

Iran Air ավիաընկերությունը, որի գլխավոր գրասենյակը գտնվում է Թեհրանում, երկրի ներսում ապահովում է 25 երթուղի, ինչպես նաև տասնյակ միջազգային չվերթներ:

Նոյյան տապան - Հասարակություն