Եվրահանձնաժողովի ղեկավարը երաշխավոր է հանդես եկել ԵՄ-Թուրքիա բանակցությունները շարունակելու հարցում
27-03-2018 16:24:31 | | Քաղաքական
Եվրոպական հանձնաժողովի նախագահ Ժան Կլոդ Յունկերը որպես երաշխավոր է հանդես եկել Եվրամիությանը Թուրքիայի անդամակցության շուրջ բանակցությունները շարունակելու հարցում:
Tass-ի փոխանցմամբ՝ այդ մասին նա հայտարարել է Վառնայում կայացած Եվրամիություն-Թուրքիա գագաթնաժողովի արդյունքների մասին մամուլի ասուլիսի ժամանակ:
«Ինձ դժվար է խոսել Թուրքիայի և Եվրամիության միջև ներկայիս հարաբերությունների վիճակի մասին, սակայն մենք աջակցում ենք Թուրքիայի գործադրած ջանքերին երկխոսության շարունակման ուղղությամբ: Առայժմ միայն կարող են խոստանալ, որ մի պահ դա տեղի կունենա: Դեմագոգիա եմ համարում բանակցությունների դադարեցման մասին խոսակցությունները: Ես երաշխավորն եմ այն բանի, որ Եվրամիությանը Թուրքիայի անդամակցության կապակցությամբ բանակցությունները կշարունակվեն»,- իր խոսքում ընդգծել է Յունկերը:
Բանակցություններն ակտիվացնելու համար Եվրահանձնաժողովի ղեկավարը Թուրքիայի նախագահ Ռեջեփ Թաիբ Էրդողանին խորհուրդ է տվել աշխատել Կիպրոսի և Հունաստանի հետ հարաբերությունները բարելավելու ուղղությամբ, քանի որ դա հանդիսանում է անհրաժեշտ պայման ամբողջ հանրության հետ հարաբերությունները լավացնելու տեսանկյունից:
Իր հերթին Էրդողանը հայտարարել է, որ Թուրքիայի և Եվրամիության համագործակցությունը պետք է շարունակվի:
Նրա խոսքերով՝ ԵՄ երկրները համարվում են Թուրքիայի ռազմավարական գործընկերները, որոնց հետ կապերի խզումը սխալ կլինի:
«Հակառակ առկա բացասական մթնոլորտի՝ երկխոսության ճանապարհները պետք է բաց լինեն: Այսօր մենք արեցինք առաջին քայլերը, սակայն դրանց պետք է կոնկրետ գործողություններ հետևեն»,- ասել է նա:
ՀԱՅԵՐԵՆ
Русский
English
Դաս. հայերեն
French
