Մայիսի 9-ին կանցկացվի «Անմահ գունդ» քայլերթը (տեսանյութ)

13-04-2018 18:52:44 | Հայաստան | Մամլո հաղորդագրություն

Մայիսի 9-ին՝ ժամը 13.00, Ազատության հրապարակից կմեկնարկի «Անմահ գունդ» խորագրով քայլերթը։ Քայլերթի մասնակիցները բարձրացնելու են Հայրենական մեծ պատերազմի, Արցախյան հերոսամարտի և 2016թ. ապրիլյան քառօրյա պատերազմի հերոսների նկարները։

Քայլերթն Ազատության հրապարակից կշարունակվի Մաշտոցի պողոտայով, Ամիրյան փողոցով, Հանրապետության հրապարակով, որից հետո՝ կանցնի Վազգեն Սարգսյան փողոցով և կավարտվի տոնական համերգով։

Ակցիային մասնակցել ցանկացողները, ինչպես նաև նկարների փայտե շտանդարտների պատրաստման հարցերով կարող են դիմել «Հայաստանի անմահ գունդ» հասարակական կազմակերպության ֆեյսբուքյան էջին (https://web.facebook.com/bessmertniy.polk.armenii/?ref=br_rs) կամ [email protected] էլեկտրոնային հասցեին։

Քայլերթի կազմակերպիչներն են «Հայաստանի անմահ գունդ» ՀԿ-ն, Հայաստանի երիտասարդական հիմնադրամը և ՀՀ պաշտպանության նախարարությունը։

Հայաստանի երիտասարդական հիմնադրամի

հասարակայնության հետ կապերի ծառայություն

Նոյյան տապան - Մամլո հաղորդագրություն

Կարդացել են 565 անգամ

Մայիսի 9-ին կանցկացվի «Անմահ գունդ» քայլերթը (տեսանյութ)

Noyan Tapan TV