Նոր կազմով ՀՀ կառավարության մայիսի 17-ի նիստի օրակարգում ընդգրկված էր Պետական եկամուտների կոմիտեի (ՊԵԿ) նախագահ Վարդան Հարությունյանի հրաժարականի և նոր նախագահի նշանակման հարցը:
Այդ մասին նիստի սկզբում հայտարարեց վարչապետ Նիկոլ Փաշինյանը:
Վերջինիս ընդունելով Վ. Հարությունյանի հրաժարականի դիմումը՝ շնորհակալություն հայտնեց նրան ՊԵԿ նախագահի պաշտոնում ծավալած գործունեության համար:
Իր հերթին Վ. Հարությունյանը տեղեկացրեց, որ գործունեության 1,5 տարվա աշխատանքի արդյունքում այս տարվա չորս ամիսներին գումարների հավաքագրումը 14 մլրդ դրամով գերազանցում է բյուջեի հիմքում դրված մեծությանը:
Վարչապետ Ն. Փաշինյանը կառավարության անդամներին առաջարկեց ՊԵԿ նախագահի պաշտոնում նշանակել ֆինանսների արդեն նախարարի տեղակալ Դավիթ Անանյանին: Առաջարկն ընդունվեց առանց առարկությունների:
ՀԱՅԵՐԵՆ
Русский
English
Դաս. հայերեն
French
