Նախկին պաշտոնյաների փորձը մեզ այդքան էլ պետք չէ. Սուրեն Պապիկյան (ՏԵՍԱՆՅՈՒԹ)
28-06-2018 17:22:59 | Հայաստան | Հասարակություն
«Նախկին պաշտոնյաների փորձը մեզ այդքան էլ պետք չէ»,- լրագրողի (ինչով է պայմանավորված երիտասարդներին մարզպետերի պաշտոնում նշանակելը) հարցին ի պատասխան՝ այսօր նշեց ՀՀ տարածքային կառավարման և զարգացման նախարար Սուրեն Պապիկյանը:
Ըստ նրա՝ իրենց կուսակիցների միջին տարիքը 30 տարեկանի սահմանում է, և պատրաստված երիտասարդներին հնարավորություն է տրվում այդ միջավայրում ինքնադրսևորվել:
Նախարարի խոսքերով՝ իրենք ՏԻՄ ՀՀԿ-ական պաշտոնյաներից ազատվելու խնդիր չունեն և իրենց օրակարգում նման հարցի քննարկում էլ չկա, բայց եթե տվյալ քաղաքի կամ գյուղի բնակիչները չեն ուզում, որ իրենց ղեկավարի ՏԻՄ այդ ղեկավարը, ապա պետք է հաշվի նստել հանրության կարծիքի հետ:
«ՀՀ-ում այլևս գերակա է օրենքը, քաղաքացու կամքը պիտի հարգեն և քաղաքացին է որոշում, թե ով է ղեկավարելու իրեն»,- ընդգծեց Ս. Պապիկյանը: