Լրագրի  զրուցակիցն է քաղաքագետ Աղասի Ենոքյանը

 

- Պարոն Ենոքյան, Ռոբերտ Քոչարյանը հայտարարել է, որ կարող է կոնսոլիդացիոն կենտրոն դառնալ։ Ձեր կարծիքով՝ որքանո՞վ նա նրան կհաջողվի։

 

-Ռոբերտ Քոչարյանը քաղաքական ուժերին կարող է կոնսոլիդացնել, բայց պետք է հաշվի առնել, որ քաղաքական ուժերը չեն ներկայացնում հասարակության լայն շերտերը։ Այսինքն՝ որպեսզի Նիկոլ Փաշինյանն ընտրություններում հաղթի, կարողանա շարունակել իր հաղթարշավը, նա պետք է երկու բան կարողանա անել. նախ՝ անցկացնել արդար ընտրություններ, այս դեպքում Ռոբերտ Քոչարյանի շուրջ կոնսոլիդացված քաղաքական ուժերը շատ փոքր ընտրազանգված կարող են իրենց շուրջ հավաքել։ Երկրորդ՝ նա պետք է ակնհայտ կոպիտ սխալներ չանի, ինչը իր ընտրազանգվածի զգալի մասին կարող է ստիպել երես թեքել իրենից և այլընտրանքներ գտնել։ Այս խնդրի լուծման համար կա մեկ այլ շանթարգել, որպեսզի քաղաքական ուժերը չգնան Ռոբերտ Քոչարյանի կողմը. երբ Հայաստանում ստեղծվի մի նոր քաղաքական բևեռ, որը չի լինի Ռոբերտ Քոչարյանը, բայց որը կարող է իր հետ վերցնել այն մարդկանց, որոնք գոհ չեն Նիկոլ Փաշինյանի ռեֆորմներից, և դա նույնպես կթուլացնի Քոչարյանի հաղթարշավը։ Դա կարող է երկփեղկել դժգոհների բանակը, կարող է Նիկոլ Փաշինյանի համար ստեղծել հաղթանակի հնարավորություն։

 

 

Նոյյան տապան  -   Հարցազրույցներ