Խախտելով օրենքը, հեղափոխական ուժերն իրենց դնելու էին իշխանության հարթության վրա. Ռուբեն Մեհրաբյան (տեսանյութ)
30-10-2018 14:10:43 | Հայաստան | Քննարկում
Թավշյա հեղափոխությունից հետո կարելի՞ էր պարզապես ցրել Ազգային ժողովը, Նիկոլ Փաշինյանն ինչո՞ւ չգնաց այդ քայլին՝ համարելով, որ պատգամավորները կաշառքով են ընտրվել: Ըստ քաղաքագետ Ռուբեն Մեհրաբյանի, Հայաստանում թավշյա հեղափոխությունը նրանով էր թավշյա, որ այնտեղ բոլոր քաղաքական գործընթացները տեղի ունեցան գործող օրենքների ու Սահմանադրության տառին համապատասխան, և չէր կարող լինել որևէ մի որոշում, որը չէր հենվում Սահմանադրության և օրենքների վրա, որքան էլ, պատկերավոր ասած, ձեռքերը քոր գար ինչ-որ բան անելու համար կամ, թեկուզ, ունենալով դրա բարոյական իրավունքը, հակառակ դեպքում հեղափոխական ուժերն իրենց կդնեին օրենքից դուրս:
«Դա նույնիսկ սկզբունքային խնդիր էր, ի վերջո, օրենքները խախտում էր ինքը՝ իշխանությունը, և սա պայքար էր հանուն օրենքի,- «Նոյյան Տապան»-ի ուղիղ եթերում հեռարձակվող «Քննարկում» հաղորդաշարի ընթացքում ասաց քաղաքագետ Ռուբեն Մեհրաբյանը:- Խախտելով օրենքը, փաստորեն գոնե բարոյական հարթության առումով հեղափոխական ուժերն իրենց դնելու էին նույն հարթության վրա իշխանության հետ, հետևապես կարող էին միայն արվել քայլեր, որոնք ուղղակիորեն բխում էին օրենքներից և Սահմանադրությունից: Այլ հարց է, որ խորհրդարանական ընտրությունների վերաբերյալ, որոնց անհրաժեշտության մասին սկսեցին խոսել հեղափոխության հաղթանակի հենց առաջին իսկ օրվանից, որոշում ընդունվեց, որ մեկ տարվա ընթացքում այդ ընտրությունները կարող են լինել: Մեկ տարվա ընթացքում, այսինքն՝ դա կարող է լինել, ասենք, 1 ամիս հետո թե մեկ տարի հետո: Այդ իմաստով բավականին լավ հնարավորություններ կային, բայց մենք տեսանք, որ Հանրապետական կուսակցությունը, նախկին իշխանությունները որդեգրեցին մերժողական դիրքորոշումներ նոր կառավարության նկատմամբ: Ի վերջո, թավշյա հեղափոխությունը տեղի ունեցավ իշխանության երեք ճյուղերից միայն մեկում, գործադիր իշխանության մեջ տեղի ունեցավ փոփոխություն, իսկ պառլամենտական կառավարման պայմաններում երբ կա կառավարություն, որը չունի պառլամենտական մեծամասնություն, դա ուղղակի ինչ-որ տեղ աբսուրդի ժանրից է՝ այն դեպքում, որ Հայաստանն, ասենք, Բելգիա չէ, որտեղ կարող էինք ասել՝ դե ինչ է եղել, թող երկու տարի էլ կառավարություն չլինի: Հետևապես, այո, ինչ-որ տեղ այս դեկտեմբերյան ընտրությունները նաև ուշացած էին, բայց մյուս կողմից էլ մենք հասկանում ենք հետևյալը, որ կառավարությունը նաև խնդիր ուներ ընթացիկ հարցերը պատշաճ ձևով լուծելու, որովհետև այս անցումը պետք է բացառեր որևէ ցնցում երկրում: Ի վերջո, մեր հեղափոխությունն ունիկալ է նաև նրանով, որ ես չեմ հիշում այլ դեպք, երբ երկրում տեղի է ունենում հեղափոխություն, և նույնիսկ արժույթի կուրսը չի փոխվում, փլուզում տեղի չի ունենում բանակի, ոստիկանության…»:
Երևանի ժամանակով ժամը 10:00-ից 11։00-ը հաղորդմանը կարելի էր հետևել ԱՄՆ հայկական AABC հեռուստաընկերության ուղիղ եթերում, ինչպես նաև առցանց՝ «Նոյյան Տապան»-ի www.nt.am կայքով, «Նոյյան Տապան» հեռուստաընկերության Youtube-յան ալիքով, «Նոյյան Տապան» ֆեյսբուքյան էջում և «Noyan Tapan» ֆեյսբուքյան խմբում։
Ուղիղ եթերից հետո բանախոսին ուղղված հարցերն ու մեկնաբանությունները կարելի է թողնել՝ զանգհարելով ամերիկյան 818 9675321 և հայաստանյան 060 351131 հեռախոսահամարներով։ Ձեր խոսքի ձայնագրությունները հետագայում կօգտագործվեն «Հետադարձ կապ» հաղորդաշարում։
Հաղորդումները ուղիղ հեռարձակմամբ կարելի է դիտել Նոյյան Տապան Ալիքով, որը հեռարձակվում է հետևյալ մալուխային ցանցերով․
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումներով
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։