Ռեյտինգային ընտրակարգի պատճառով որպես երկիր կորցրեցինք նոր որակի խորհրդարան ունենալու լավ հնարավորություն. փորձագետ (ՏԵՍԱՆՅՈՒԹ)
06-11-2018 14:17:18 | Հայաստան | Հասարակություն
Ռեյտինգային ընտրակարգի պատճառով որպես երկիր կորցրեցինք նոր որակի խորհրդարան ունենալու լավ հնարավորություն:
Նման կարծիք նոյեմբերի 6-ին լրագրողների հետ հանդիպման ժամանակ հայտնեց Վարչապետին առընթեր ընտրական օրենսդրության բարեփոխումների հանձնաժողովի անդամ, ընտրական հարցերով փորձագետ Համազասպ Դանիելյանը:
Ըստ նրա՝ ռեյտինգային ընտրակարգը խնդրահարույց է նաև այն տեսանկյունից, որ նոր խորհրդարանում կանայք ավելի քիչ ներկայացվածություն կունենան:
«Այս ընտրակարգը բացասական ազդեցություն կունենա այն առումով, որ հնարավորություն է տալու անհատներին տեղերում մարդակային, ֆինանասական ռեսուրսներ մոբիլիզացնել»,- նշեց նա:
Հ. Դանիելյանի խոսքերով՝ 12-օրյա քարոզարշավի ընթացքում քաղաքական ուժերի ցուցարկներում ընդգրկված անհատները մտածելու են ռեսուրսը մոբիլիզացնելու մասին, ինչը հետին պլան կմղի այդ քաղաքական ուժերի ծրագրերը: