Նախընտրություն ունեմ ծառայել ՀՀ-ին որևէ կարգավիճակով. Արսեն Թորոսյան (ՏԵՍԱՆՅՈՒԹ)
15-11-2018 17:12:48 | Հայաստան | Քաղաքական
Նախընտրություն ունեմ ծառայել ՀՀ-ին որևէ կարգավիճակով:
Այս մասին նոյեմբերի 15-ի կառավարության նիստից հետո լրագրողների հետ ճեպազրույցում նշեց Առողջապահության նախարարի ժամանակավոր պաշտոնակատար Արսեն Թորոսյանը՝ պատասխանելով այն հարցին, թե ԱԺ ընտրություններից հետո իրեն օրենսդիր, թե՞ գործադիր մարմնում է տեսնում:
Ըստ Արսեն Թորոսյանի՝ նշյալ հարցի պատասխանը լրագրողները կստանան ընտրություններից հետո նոր կառավարության ձևավորումից հետո:
Քաղաքական հարցերից բացի, Ա. Թորոսյանը պատասխանեց նաև ոլորտին առնչվող հարցերին՝ տեղեկացնելով, որ կառավարության որոշմամբ՝ «Ֆանարջյանի անվան ուռուցքաբանության ազգային կենտրոն» ՓԲԸ-ն և «Ճառագայթային բժշկության ու այրվածքների գիտական կենտրոն» ՓԲԸ-ն այսօր հանվեցին 2017-2020 թթ. մասնավորեցման ցանկից: