Արծրուն Հովհաննիսյանի պարզաբանումը Սու-25 ի սև արկղի տվյալներից մեկի ստացման մասին

02-02-2019 13:46:03 | Հայաստան | Իրավունք

Վթարված Սու-25 ի սև արկղի տվյալներից մեկի ստացումը դեռ չի նշանակում ողջ տվյալների ուսումնասիրությունը ավարտվել է, հայտնում է ՀՀ ՊՆ խոսնակ Արծրուն Հովհաննիսյանը։ «Նման տվյալները շատ են։ Կա քննություն իրականացնող մարմին, որը ավարտելով քննությունը ըստ անհրաժեշտության կհայտնի արդյունքները», – գրել է նա:

Հիշեցնենք, որ Մարտական պատրաստության պլանով նախատեսված ուսումնամարզական թռիչք իրականացնող ՍՈՒ-25 մարտական ինքնաթիռը վթարի է ենթարկվել դեկտեմբերի 4-ին՝ ժամը 10.20-ի սահմաններում՝ ՀՀ Շիրակի մարզի Մարալիկի տարածաշրջանի Քարաբերդ բնակավայրի հարևանությամբ։ Ավիապատահարի հետևանքով զոհվել են 1-ին կարգի օդաչու, փոխգնդապետ Արմեն Սլավիկի Բաբայանը և 3-րդ կարգի օդաչու, մայոր Մովսես Գևորգի Մանուկյանը: Դեպքի առթիվ հարուցվել է քրեական գործ՝ ՀՀ քրեական օրենսգրքի 378-րդ հոդվածի 2-րդ մասի հատկանիշներով, որով նախաքննության կատարումը հանձնարարվել է ՀՀ ՔԿ ԶՔԳՎ ՀԿԳ քննության վարչությանը։ Նշանակվել են փորձաքննություններ:

Նոյյան տապան - Իրավունք

Կարդացել են 1615 անգամ

Արծրուն Հովհաննիսյանի պարզաբանումը Սու-25 ի սև արկղի տվյալներից մեկի ստացման մասին

Noyan Tapan TV