Ուղիղ. Մեկնարկել է ՀՀ կառավարության հերթական նիստը
07-03-2019 11:05:06 | Հայաստան | Մամլո հաղորդագրություն
Մեկնարկել է կառավարության հերթական նիստը: Օրակարգում 36 հարց է, որից 20-ը՝ չզեկուցվող:
Կառավարությունն այսօր կքննարկի Կառավարության կառուցվածքի մասին օրինագծում փոփոխություններ կատարելու նախագիծը, որով նախատեսվում է կրճատել նախարարությունները և 17-ից դարձնել 12: Նախատեսվում է կրճատել նաև առաջին փոխվարչապետի պաշտոնը:
Օրակարգում է ընդգրկված նաև «Հայրենիք-սփյուռք կենտրոն» պետական ոչ առևտրային կազմակերպությունը լուծարելու մասին նախագիծը:
Կներկայացվեն նաև «Հայաստանի Հանրապետության քրեական օրենսգրքում լրացում կատարելու մասին» Հայաստանի Հանրապետության օրենքի նախագծի մասին, գյուղատնտեսության ոլորտին տրամադրվող վարկերի տոկոսադրույքների սուբսիդավորման ծրագիրը հաստատելու մասին նախագծերը: