Հակավիրուսային ծրագրերի հայտնի մշակող Եվգենի Կասպերսկու որդին` Իվան Կասպերսկին, ազատ է արձակվել եւ վերադարձվել իրծնողներին: Այսմասին «Ինտերֆաքս»-ին հայտնել են իրավապահ մարմինները։ Նշվում է, որ թեեւ Ի.Կասպերսկին ոչ մի մարմնական վնասվածք չի ստացել եւ նրա առողջական վիճակը բավարար է, սակայն երիտասարդը հոգեբանական ցնցում է ունեցել: Նշենք, որ «Կասպերսկու լաբորատորիա» ընկերության հիմնադիր եւ համասեփականատեր Եվգենի Կասպերսկու որդու առեւանգիչները 20-ամյա Իվան Կասպերսկուն ազատ արձակելու դիմաց պահանջել էին 3 միլիոն եվրո:

---