Ուղիղ. «Այստեղ Օրբելյանի հարցը չէ, ուրիշ հարցեր կան, դա էլ ժամանակը ցույց կտա». Արմեն Սարգսյան. 168.am

01-04-2019 11:11:11 | Հայաստան | Ի՞նչ է գրում մամուլը

Ինչպես արդեն տեղեկացրել ենք՝ Կառավարության դիմաց այս պահին բողոի ակցիա են իրականացնում մի շարք մշակույթի գործիչներ՝ իրենց աջակցությունը հայտնելով Օպերային թատրոնի տնօերն Կոստանտին Օրբելյանին: Նրանք պահանջում են Մշակույթի փոխնախարար Նազենի Ղարիբյանի պաշտոնանկություն:

Հիշեցնենք, որ նրա որոշմամբ՝ այսօրվանից Կ. Օրբելյանն ազատվել է թատրոնի տնօրենի պաշտոնից՝ մնալով գեղարվեստական ղեկավար:

Կառավարության շենքի դիմաց հավաքված ակցիայի մասնակիցների շարքերում է նաև Երևանի ավագանու «Իմ քայլը» խմբակցության անդամ Արմեն Սարգսյանը, ում անունը նույնպես շրջանառվում էր որպես Օպերային թատրոնի տնօրենի հավանական թեկնածու:

Նա նշեց, որ ինքը ամիսներ առաջ խոսել է թատրոնի որոշ արտիստների հետ և նրանք դեմ չեն եղել, որ ինքը ստանձնի այդ պաշտոնը:

Լրագրողների հետ զրույցում Ա. Սարգսյանն ասաց, որ «պետք է մաեստրո Օրբելյանի հետ գրագետ վարվել, եթե մշակույթ են ղեկավարում, պետք է ճիշտ ղեկավարեն և համապատասխան վերաբերմունք ցուցաբերեն»:

Հարցին, թե նախարարության այս որոշումից հետո ինքը խոսե՞լ է թատրոնի նույն արտիստների հետ, որոնք ժամանակին դեմ չեն եղել իր նշանակմանը, Ա. Սարգսյանը պատասխանեց՝ այո, բնականաբար:

Իսկ թե ինչպիսին է եղել նրանց արձագանքը՝ հարցին, նա պատասխանեց. «Նրանք ոչինչ չեն անում, չեն խառնվում, որովհետև այստեղ Օրբելյանի հարցը չէ, ուրիշ հարցեր կան, դա էլ ժամանակը ցույց կտա»:

Տեսանյութը` tert.am-ի

168.am

Նոյյան տապան - Ի՞նչ է գրում մամուլը

Կարդացել են 527 անգամ

Ուղիղ. «Այստեղ Օրբելյանի հարցը չէ, ուրիշ հարցեր կան, դա էլ ժամանակը ցույց կտա». Արմեն Սարգսյան. 168.am

Noyan Tapan TV