Համակերպվե՛ք՝ ՀՀ-ում ամեն ինչ որոշելու է ժողովուրդը. Վարչապետը՝ Արցախի և մյուս հարցերի մասին (ՏԵՍԱՆՅՈՒԹ)
08-05-2019 14:08:54 | Հայաստան | Հասարակություն
Համակերպվե՛ք՝ ՀՀ-ում ամեն ինչ որոշելու է ժողովուրդը:
Այս մասին մայիսի 7-ին լրագրողների հետ հանդիպման ժամանակ հորդորեց վարչապետ Նիկոլ Փաշինյանը՝ անդրադառնալով հատկապես «Արցախի հարցը ժողովուրդն է լուծելու» իր դիրքորոշմանը:
Ըստ նրա՝ Արցախի հարցը չեն կարող լուծել երկիրը ծախած, թալանած անձինք, ավելին՝ վարչապետի համոզմամբ՝ վերջիններս անգամ բարոյական իրավունք չունեն խոսել այդ մասին:
«Գնում ենք բանակցությունների, ասում են՝ ծախեցին հողերը. ծախողը դո՛ւք եք: Այդ ո՞վ բարոյական իրավունք ունի ինձ որևէ բան ծախելու մեջ մեղադրի: Մարդիկ, որ երկիրը թալանել են, ծախել են, ծախելու պրոցեսի մեջ են եղել, ասում են՝ գնաց բանակցությունների, հաստատ ծախում է: Ո՞վ է դրանց այդ իրավունքը տվել, ո՞վ են դրանք ընդհանրապես՝ այդ սերմացու գողացող մկները, բանակ թալանածները, զինվորի հաշվին վզները հաստացրածները, փեսաներին ու տղաներին միլիոնատեր դարձրածները: Նրանք էլ պետք է Ղարաբաղի հարց որոշե՞ն»,- հիշեցրեց վարչապետը: