Խաչիկ գյուղում բացվել է ՀԱՎԵՍԻՆ սենյակը (ՏԵՍԱՆՅՈՒԹ)

08-05-2019 16:31:39 | Տավուշի մարզ | Հասարակություն

Խաչիկ գյուղի ՀԱՎԵՍԻՆ ՍԵՆՅԱԿԸ։

Սա 4-րդ սենյակն է «Հայ Ձմեռ պապ» բարեգործական հիմնադրամի «Հավեսին սենյակների ցանց» ծրագրի, որի գաղափարը հասարակական ուշադրության և աջակցության արժանացավ: Հայեցակարգը նախատեսում է սահմանամերձ հեռավոր համայնքներում և ներառական կրթություն իրականացնող դպրոցներում մշակութային հարթակներ ստեղծելու միջոցով

• հաղթահարել գյուղական երիտասարդության «անտեսվածության» ու մայրաքաղաքային հոգևոր կյանքից անմասն մնալու բարդույթը,

• կազմակերպել կենտրոն-սահման մշակութային կապը,

• մեղմել «էլիտար-մայրաքաղաքային» ու «պերիֆերիկ-անտեսված» հակասությունը,

• «մշակութային ներխուժումներ» կատարել հեռավոր գյուղեր` օգտագործելով ճանաչված արվեստագետների, գրողների, հայտնի հասարակական դեմքերի կամավոր ներուժը,

• կազմակերպել «Արվեստը` սահմանին» նախաձեռնող խմբի ճանաչված արվեստագետների առցանց դասընթացներ,

• կապ ստեղծել Երևանի դպրոցների աշակերտների/արվեստի բուհերի ուսանողների և Հավեսին սենյակի սաների միջև, կազմակերպել փոխայցեր, առցանց և առկա համատեղ դասեր, ցուցահանդեսներ, պլեներներ,

• յուրացնել սեփական ժողովրդի մշակույթը, ճանաչել ու հարգել այլ մշակույթներ, • խթանել հեռավոր գյուղերի երեխաների աշխարհճանաչողությունը,

• ցանցային կապ ստեղծել Հայաստանի տարբեր համայնքներում գործող Հավեսին սենյակների միջև,

• կապ հաստատել գերմանացի ստեղծագործող երեխաների և խմբերի հետ,

• գիտելիք, ճաշակ, հարգանք, հանդուրժողականություն և ստեղծարար վերաբերմունք ձևավորել:

Այս այցին մասնակցում էին հիմնադրամի գործընկերները, հին ու նոր բարեկամները, «Արվոստը՝ սահմանին» նախաձեռնող խմբի անդամները, «Հերացի» ավագ դպրոցի ներկայացուցիչները, հանրաճանաչ սոպրանո Հասմիկ Պապյանը: Խաչիկի և մյուս սահմանապահ գյուղերի երեխաներն արժանի են հնարավոր լավագույն մշակութային կրթություն ստանալու: Նրանցից շատերը Երևանում չեն էլ եղել:

Ուստի, ԵԹԵ ՍԱՀՄԱՆԱՄԵՐՁ ԳՅՈՒՂԸ ՉԻ ԿԱՐՈՂ ԳԱԼ ՄԱՅՐԱՔԱՂԱՔՙ ԱՊԱ ՄԱՅՐԱՔԱՂԱՔԸ ԿԳՆԱ ՍԱՀՄԱՆԱՄԵՐՁ ԳՅՈՒՂ

Նոյյան տապան - Հասարակություն

Կարդացել են 1114 անգամ

Խաչիկ գյուղում բացվել է ՀԱՎԵՍԻՆ սենյակը (ՏԵՍԱՆՅՈՒԹ)

Noyan Tapan TV