Բելառուսի ֆուտբոլի առաջնությունում կայացան 6-րդ տուրի հանդիպումները: Ռոբերտ Զեբելյանի Մինսկի «Դինամոն» հյուրընկալվելիս 1-0 հաշվով հաղթանակ տոնեց Մոգիլյովի «Դնեպրի» նկատմամբ: Հաղթական գոլը հանդիպման 54-րդ րոպեին հեղինակեց հենց Հայաստանի ազգային հավաքականի հարձակվողը: Նա փոխանցում ստանալով խաղընկերներից, աջ եզրով ներխուժեց տուգանային հրապարակ, եւ հանգիստ կերպով գնդակն ուղարկեց Բորիս Պանկրատովի պաշտպանած դարպասը` 0-1: Հետագայում տանտերերին չհաջողվեց հաշվի մեջ փոփոխություն մտցնել, եւ Զեբելյանի գոլն այդ երեկո հաղթանակ պարգեւեց դինամոյականներին: Այս հաղթանակից հետո Մինսկի «Դիանմոյի» ֆուտբոլիստները վաստակելով 8 միավոր հանգրվանեցին 7-րդ տեղում: Հավելենք, որ Ռոբերտ Զեբելյանն այս մրցաշրջանում «Դինամոյի» կազմում մասնակցել է 5 խաղի, եւ դարձել 1 գոլի հեղինակ:

---